Pierre Jetten

waorom in t limburgs

och, eemes dae hiej gebaore is, vèltj toch dôk trôk in zien mooderstaal, en zoeë is ut biej mich auch.

Dao zeen bès waal väöl werke al mit limburgse titels en ich hôb auch van ein museum al de vraog gekraege om det zoeë te blieve doon. daobiej kumpt binnekort de erkinning van ut limburgs as offisjele  streektaal in Brussel in de Raad van Europa aan de orde en es wae det al hôbbe bereikt, zeen we al ein hieël sjtôk op waeg om naeve ut fries as taal te bestaon. gae vindj noe de sjuuns gesjreeve teks in ut plat, auch op verzeuk , want anges kinne ze ut neet allemaol laeze.

Lees meer >> | 5 keer bekeken

Nog aeve

Nog aeve en de tentoeenstelling in Remunj is weer aafgelaope.

ein mooie presentasie mit mieer as 1000 kiekers en koupers is nog toet zunjig de 29ste te zeen, dus spootj uch zaag.

mien werke (4) hange in de grote, 2e gank.

daonao opruume en nog aeve wachte. Ich haop nao de Kerst weerte kinne gaon wirke, want den zeen wae haopelijk verhoest nao oos niej hoes aan de Parklaan.

Lees meer >> | 7 keer bekeken

expo in Remunj

op 7 september is in Remunj de expo KUNST KLEURT  van start gegange en ich höb dao auch 4 werke hange, 2 etse en 2 linoos. Dao doon 39 kunstenieërs aan mei, dus zeker de moote waerd om dao te gaon kieke. De tentoeansjtelling  is aope van 2 toet 5 'smiddigs op woonsdig, donderdig, zaoterdig en zunjig. Ich bön zelf op donderdig, de 19de september dao om toezich te haaje.

Lees meer >> | 15 keer bekeken

Röstig aan ut front.

wae zitte drök in ein verhoezing, en det beteikentj det der allein mer get ontwerpe op pepeer waere gemaaktj, mer de drökpers is momenteel neet in wirking.

Op 7 september is d'r ein groeëte exposisie van bienao 40 kunstenieërs in Remunj in de Kloostergangen aan de Swalmerstraot. Die organiseer ich mei ( as Artimosa-tentoonstellings-commissielid) en dao hange auch inkele werke van mich, zoewaal etse as auch linoos.

Lees meer >> | 58 keer bekeken

demonstrasie drökke in Nederweert-Eind

Op zunjig 3 september bön ich te vinje in Nèjwieërt-Indj biej de tentoeansjtèlling van dröktechnieke. Mit ein klein etsperske kin ich uch laote zeen, wie ich ein vaoraaf klaorgemaaktje etsplaat gaon behanjele en ze vervolges aafdrök. Kom kieke ! 

Lees meer >> | 186 keer bekeken

Expo's en zo aaf en toe ein merktj.

Ein aantal lokaties veur dit jaor zeen inmiddels bekindj.

Biej mich toes in ut atelier is op 21 mei mien werk te zeen en daobiej auch werk van Annie Meuleners oet Echt. Det is ein glaaskunstenares en maaktj letterlik en figuurlik sjitterende dinge oet glaas. Dit heurt biej ART BEESEL-REUVER, ein kunstroute woeabiej ich zelf auch in de organisasie bön betrokke.

Lees meer >> | 235 keer bekeken

waat d'r allemaol sjteit te gebeure in 2023

ut jaor is weer begos, en deze kieër songer corona-gedoons. We höbbe de vastelaovend weer gehad en gaon weer vanalles plenne. Binnekort gaon we kieke biej galerie RRMND  of dao meugelikheid is om te exposere. Op 21 mei  höbbe we ut atelier äöpe, want den is de kunsroete van ôs gemeindje. (organizeer ich mèt). Op 28 mei (Pinkste) is in Naer get mit Naerse kunstenieërs in de Haammaeker, en op 15 en 16 juli is in Vaals weer in en biej de Kopermolen kuns (auch d'r mien)  te zeen. Op zunjig 3 september is de derde drukkersdaag op de eynderhoof in Nederweert-eind. Dao kintj gae mich auch vinje mit ein klein perske om te demonstrere wie ein ets gedröktj waerdj..Ich zit dus neet sjtil, mer bewaeg minder vanwaege de oozel . Wae zeen ôs!

Lees meer >> | 244 keer bekeken

Drukkersdag

op de 28ste augustus is in Neiwirtj-Indj de 2e drukkersdag in ut oapelochmuseum de Eynderhoof. Ich wil dao zelf enkele aafdrôkke maake van etse, zoedet gae allemaol kintj zeen wie det dr in de praktijk aan toe geit. Op  zunjig 11 september kintj gae get werk van mich zeen in Gallerie Hebben in Naer.

Lees meer >> | 319 keer bekeken

Op nao Vaolsj

op 16 en 17 juli sta ik met een aantal werken in Vaals bij de Kunstmarkt..

zaoterdig en zunjig 16 en 17 juli staon ich mit ein sjtèl werke in Vaolsj oppe kunsmertj. Haopelik is ut waer good, den is dit , wie me zaet, ein drökke mertj. wae laote ôs verrasse, gae auch ? Auch in Vaolsj nim ich ut werk Omega mit, wobiej van de 90 euro d'r 50 nao de slachtoffers van de öärlog in Ukraine geit. Dao zeen nog ein paar werke van te kaup.

Lees meer >> | 345 keer bekeken

De expoos

Hallo allemaol, de ekspo in Tegele waerd good bezoch, dao bön ich bliej om. Auch de verkaup van mien werk Omega, wovan € 50 per aafdrök nao Oekraine geit, is ein sukses, auch fein veur de minse dao. De kuipers kriege dao binnekort berich vanne. Bön alweer mit noe werk bezig. Op 16 en 17 juli höbbe we eine kraom in Vaals op de internasjonale kunstmertj dao en ei paar daag trök höb ich gezag, det ich mit doon biej de 2e drukkersdag , en det is in Nederweert-Eind op het oapelochmuseum Eynderhoof.det is op 28 augustus. Dao kump nog de aankondiging van.. blief gezondj en haad uch!!

Lees meer >> | 366 keer bekeken